Bybel-Media inspireer mense om Jesus te volg en om te groei as dissipels op hulle geloofsreis. Ons oogmerk is om jou Christelike inspirasievennoot te wees. Bybel-Media is meer as net ’n media-organisasie; ons is jou konstante geestelike reisgenoot. Met die evangelie as ons rigtingwyser, bring ons hoop en inspirasie aan jou mense regoor Suider-Afrika. Ons groei saam met die tye en benut die geleenthede van die digitale era om die boodskap van God se liefde en genade nog wyer te versprei.

Leef die Evangelie: Brei ons digitale voetspoor uit.

Ons digitale platforms reik verder as ooit tevore. Hiermee skep ons ruimte vir lewensveranderende ervarings, inspireer ons gemeenteleiers en bemagtig ons gelowiges om as dissipels te leef. Ons wil sien hoe elke persoon met wie ons in aanraking kom, die liefde van Jesus op ’n tasbare manier beleef. Met Missio, Vonkk, Flam, Nehemia Bybelinstituut, Bybelkor, Mema, Goeie Nuus Media, LiG-tydskrif, en Kerkbode onder ons sambreel, brei ons ons impak verder uit. Nes voorheen bied ons gedrukte produkte aan, maar nou met ’n addisionele fokus op digitale media om geestelike ondersteuning en die evangelieboodskap selfs meer toeganklik te maak.

Ons donateurs: die dryfkrag agter ons werk

Dit is vir ons ’n voorreg dat ons donateurs – mense wat onbaatsugtig help om die evangelie van Jesus Christus te versprei – ons ondersteun. Jou bydrae maak ’n direkte impak deur nuwe publikasies, bedieningsaksies en geestelike hulpbronne vir predikante, gemeentes en lidmate moontlik te maak. Met jou ondersteuning kan ons voortgaan om die lig van Jesus aan nog meer mense te bring.

Jou donasie help ons om ’n verskil te maak met inhoud wat mense daagliks inspireer. Saam kan ons die wêreld verander, een webtuiste, een getuienis, een boek, een Bybelse produk, een dagstukkie en een boodskap op ’n slag.

Sluit aan by ons missie, skenk aan ’n inisiatief wat jou na aan die hart lê en laat ons saam reis op die Jesus-weg!